100 days my love

Akala ng lahat, isa lang akong ordinaryong kabataang lalaki. Tahimik. Wala masyadong pakialam. Pero ang hindi nila alam, meron akong isang madilim na lihim-kaya kong makita ang natitirang oras ng buhay ng bawat tao. Isang countdown na walang sinungaling at walang kapatawaran. At ngayon... ako naman ang may orasan sa ulunan.

Isang daang araw.
Iyan na lang ang natitirang oras ko sa mundong ito. Tanggap ko na. Handa na akong mamatay.
Hanggang sa dumating siya-si Kara.

Makulay. Masayahin. Mapagmahal. Isa siyang liwanag na hindi ko kailanman inasahang darating sa buhay ko. Ngunit paano ko siya mamahalin kung bawat segundo ay palapit na ako sa wakas? Paano ko susuklian ang pag-ibig niya kung sa huli ay iiwan ko rin siya?

Dati, handa na akong mamatay. Pero ngayon... hindi na ako sigurado.
Ayokong umalis. Ayokong mawala.
Ayokong iwan siya.

At sa gitna ng pagmamahal, pag-asa, at pagtakbo sa oras-isang panalangin ang paulit-ulit kong inuusal:

"Please, help me to stop my clock."

Isang nakakakilabot at nakakakilig na nobela tungkol sa buhay, kamatayan, at pag-ibig na handang lumaban kahit sa huling segundo.