Restless Heart

Prologue
Si Domenick ang best friend niyang lalaki sa College, at ang kauna-unahang lalaking nagpagising sa kanyang pagkababae, dahil hindi pa niya naramdaman iyon maski sa kababata at sa ultimate crush niya noong high school. Hindi niya alam kung paano niya pananatilihin ang pagkakaibigan nila at itago ang personal niyang nararamdaman. Paano siya iiwas kung mismo ang pagkakataon ang gumagawa ng paraan upang mahulog siya ng tuluyan dito. Mas mananaig ba ang pagkakaibigan o bibigyan niya ng puwang ang pag-ibig.

Para kay Domenick, gagawin niya ang lahat maprotektahan lang ang babaeng pinaka-importante sa kanya, si Sophia. Ang tangi niyang pangamba ay balikan siya ng kanyang nakaraan. Saan niya mas masisigurado ang kaligtasan ni Sophia, ang lumayo o mananili.

~♡~☆~♡~☆~♡~☆~♡~☆~♡~☆

Excerpt:

Nang marating nila ang bahay ni Domenick ay nagyaya si Sophia sa kuwarto nito. Natakot si Domenick sa kung ano mang balak ni Sophia. Natuto na siya sa kanyang pagkakamali kay Sheila at ngayon ay gusto niyang gawing tama ang lahat, na saka lang siya makikipagniig sa kasintahan ay kung makasal na sila. Pinigilan ni Domenick si Sophia sa kanyang balak pero mapumilit si Sophia habang hila-hila ang kanyang kamay.

Pagpasok nila sa kuwarto ay pinigilan siya ni Sophia na buksan ang ilaw nang takpan nito ang mismong switch ng ilaw kasabay ng pagdampi ng labi nito sa kanya. Napakalambot ng mga labi ni Sophia, idagdag pa ang banayad na paghawak ni Sophia sa kanyang mukha at dahan-dahan na bumaba sa kanyang dibdib at pababa sa kanyang tiyan na nagdudulot ng kakaibang init sa kanyang katawan.

Hindi maaari ito, ang sabi ng isip niya, ayaw niyang pahamakin at dungisan ang nag-iisang babaeng pinapahalagahan niya. Pinigilan niya ang sarili at inihinto niya ang pag-halik kay Sophia nang biglang buksan ni Sophia ang ilaw at sabay-sabay na sumigaw sila Mark, Chris, Alex at Elise ng "Happy Birthday!"