Manawari

Sa kaniyang paglaki, naniwala si Hiraya dela Fuente na sa pagtanda ay pagkatuto na buhatin ang bigat ng mga desisyong pipiliin. Subalit ang pinakamahirap ay naghihintay pa sa dakong ibayo. Nasa pagitan ng pangarap na gustong maisabuhay at ang hinaharap na nakikinita ng sariling ama, unti-unti niyang naalintana kung ang pangarap ay sa kaniya pa rin sa oras na umaasa na ang iba sa kaniya.

Sa kabilang banda ay si Karya Monterey, ang kakaibang binatilyo na nakaengkwentro niya isang gabi, nakaupo sa lilim ng madilim na kalangitan habang kinakagat na ng mga lamok ang kaniyang balat pero hindi naman yata nito napapansin. Sinong mag-aakala na sa pagsasabi niya ng naiisip nang may kalayaan ang magdadala para di inaasahan niya itong maging kaibigan?

Habang paunti-unti niyang pinapahalagahan ang parehas na pagkakaibigan at ang hindi magpakailanman na kabataan, isang desisyon ang sumubok sa kaniya, at siyang bagay na ni mabusising plano ay di makakapagbigay ng solusyon.