Agent Dwight Is My Knight (Book 2)

Si Hanna Faith ay isang nursing graduate. Nabaon sa utang ang kanyang pamilya dahil sa ipinanggastos sa pagpapaaral sa kanya. Hinahabol sila ngayon ng isang loan shark na inutangan nila dahil hindi sila nakapagbayad. Binigyan sila ng palugit na sa loob ng dalawang buwan ay dapat mabayaran na nila ang lahat ng kanilang utang kasama na ang interes na mas malaki pa sa kanilang inutang.
Nang may nakita siyang post sa facebook na naghahanap ng personal nurse ng isang matandang babae ay hindi na siya nagdalawang isip at nag-apply roon.
Akala niyang madali lang ang trabaho niya ngunit naging mahirap dahil sa apo ng kanyang amo na ubod ng sungit na si Dwight Zane Alonzo. Palagi na lang mainit ang ulo nito sa kanya kahit wala naman siyang ginagawang dapat ikagalit nito.
Dumagdag pa ang seryoso nitong mukha na hindi yata marunong ngumiti. Pero sa kabila ng lahat ng iyon hindi maikakaila ang napakagwapo nitong mukha. Matangkad ito at may magandang hubog nang pangangatawan na akalain mong isang modelo.
Kaya hindi napigilan ni Hanna na hindi mahulog dito pero itinago lang nito iyon sa sarili dahil alam nito na walang interes si Dwight pagdating sa mga babae.
Pero paano na lang kung bigla na lang itong bumait sa kanya? Makakaya niya pa kayang pigilan ang sariling aminin dito ang nilalaman ng kanyang puso?