بعد صارت

هذا واحد يگول چنت اصغير يمكن عمري ١٣سنه ، فعدنا جيرانا كلهن حلوات وامهن بعد اضرب.
واني ديني گامز وهاي بتهم چانت بالاعداديه تلبس تراكسوت ونلعب منضده سوه ، بس ما اعرف شلون ابدي الموضوع چنت بگد الفارة .
المهم فد يوم الوكيل مالتهم جاب الهم الوجبه ، تمن وشكر وطحين ومن هذا الخريط .
فهنّه بيهن طبع من وحده تحچي ، كلهن يجمعن سوه شلون شله الكهاوي من يلعبون دومنة .
اني من اطب جوه اضل حاير بوجه منو اصفن من گد ما هواي حلوات .
الله شاهد مرات ادوخ من گد ما افر براسي ، كل شويه اصفن بوجهه وحده .
المهم امهن طلعت وطلع الگروب وياها يردن واحد يطبب الوجبه للبيت . صاحتلي : " علاوي "!
علاوي صار طلي . اجه يسحل بنفسه سحل :
هلو خاله شلونچ ما لونچ
المهم گالتلي : عفيه طبب الوجبه .
اني هنا صرت ابو سبيع ع ساس
وگمت اشيل اوزان .
طببت التمن .طببت الزيت . وهيه تسويلي : " يمه فدوه لخالاتي الا ازوجك ريام ".
ريام القنبله مالتهن
واني بالطريق افكر شلون راح اشيل جيس الطحين ، لان خمسين كيلو الا اشگ
وصلنا لجيس الطحين !
گالت : لا خاله هذا ثگيل ، خلي لو شوف واحد وياك
گتلها : لا خاله عادي خفيف (گمت ابيع بروسهن عود)
ذني ملتمات عليه والملابس اشكال الوان
يا جيس طحين
المهم شلته وهنه ورايه واني بوضعيه شبه متنح عليهن لان مكسور ظهري قبل ما احطه ع الدرج
واجررررهن بضرطه اسطوريه الا شگيت اللباس والبجامه
يا يمه ضليت اصفر بمكاني وشايل الجيس وصافن شسوي
البنات تشمرن كل وحده بغرفه من الضحك
ضلت خطيه بس امهن بين تضحك بين تضيع شاش شالت وياي الجيس
واسبوع ما طالع للشارع
وسنتين اقنع بابوي نشيل من منطقتنا
لان انحرمت من الشارع ..

العبره :
لا تحمل نفسك اكثر من طاقتها 😂😂😂
تره ضراط بضراط

منقول .