العانس ( وليدة المجتمع العقيم )

لما تعاقب على ذنب لم تقترفه لم اكن عورة ليسترني رجل لم اكن ناقصة ليكملني رجل انا نصف المجتمع وألد النصف الاخر لي إحترامي وتقريري ما العيب اذا لم أتزوج؟ ما العيب اذا لم أنجب؟ما العيب اذا انجبت البنات؟
............................
اقتباس
زينب..قومي يابنتي هو لازم موال كل يوم أخواتك الرجالة يصحوا لوحدهم وانتي نابحة قلبي
نسرين..ياماما ياحبيبتي سبيني انام لسة بدري على ميعاد الشغل
زينب..هو انا لازم اعمل كل حاجة بنفسي مينفعش تساعديني هو انتي دايما كدا زي قلتك
نسرين..ياماما انا كنت سهرانة بترجم الشغل اللي ورايا
زينب..ما هو طول ماانتي كل همك الشغل عمرك ما هتتجوزي انتي ناسية ان عندك ثلاثين سنة
نسرين بتنهيد..وانا ايه ذنبي بس ياماما
زينب..ذننبك انك تتلحلحي شوية
نسرين..يعني اعمل ايه بس اقولك اعمل زي إلهام شاهين في فيلم خلطة فوزية وكل ما اشوف واحد اقوله تتجوزني ياخويا
زينب بضيق من سخريتها..دا اللي انتي فالحة فيه تتريقي وخلاص ماهي اختك عبير اصغر منك واتجوزت عصام ابن عمتك وخلفت بدل العيل اتنين وبنات خالاتك وبنات عماتك كلهم اتجوزو واهي تسنيم مخطوبة مفضلش غيرك ....انتبهت زينب لنفسها فسكتت
نسرين بعيون دامعة..عانس قوليها ياماما
شعرت زينب بالخجل من نفسها فخرجت من الغرفة
نزلت دموع نسرين فهي تعاقب على ذنب لم تقترفه
.................
ا