ماہنامہ راہ ادب

راہِ ادب، سوچ سے آگے کا سفر
تعارف و مقاصد
راہِ ادب ایک ایسے خواب کی تعبیر جو چند سال قبل کچھ نفوس نے دیکھا۔ اشاعت کے لیے لمبی قطاروں میں منتظر کھڑے لکھاریوں کے لیے دیکھا گیا یہ خواب آج تعبیر کے مراحل عبور کرکے آپ کے ہاتھوں میں موجود ہے۔ آج جو خوشی انتظامیہ محسوس کررہی ہے یقینا وہی خوشی اس رسالے کا حصہ بننے والے تمام لکھاری خواتین و حضرات بھی محسوس کر رہے ہوں گے۔ یہ قدم ہم نے آپ کے لیے بڑھایا ہے۔ آپ نے ہی منزل مقصود تک پہنچنے میں ہمارا ساتھ دینا ہے ۔
اس رسالے کے اجراءکا مقصد نہ صرف مبتدی لکھاریوں کو معیاری پلیٹ فارم فراہم کرنا ہے بلکہ آپ کی تحاریر کی نوک پلک سنوار کر نئے لکھنے والوں کی اصلاح کرکے ان تحریروں کو قرطاس کی زینت بناناہے۔ اگر آپ میں لکھنے کی صلاحیت ہے یا آپ مبتدی ہیں تو ہماری ٹیم آپ کو لکھنے کے حوالے سے مکمل رہنمائی فراہم کرے گی۔
تو آئیے قلم اٹھائیے اور راہِ ادب کا حصہ بن جائیے۔ ہماری انتظامیہ آپ کو خوش آمدید کہنے کے لیے تیار ہے، ہمارے رسالے کے صفحات آپ کی کاوشوں کے منتظر ہیں۔ اپنے قلم کو اصلاح معاشرہ اور وطن عزیز کے مثبت پہلووں کو اجاگر کرنے کے لیے استعمال کیجیے۔ مثبت سوچ کو عام کیجیے۔ اپنے قلم سے روشنی پھیلائیے، علم کی روشنی۔ ہم اپنے کاروان میں آپ کو تہہ دل سے خوش آمدید کہتے ہیں۔
ہم سے رابطہ