Bagong Lipat si Fosia sa kaniyang tinutuluyan, dati na siyang hindi makatulog tuwing gabi pero lumala ito sa kaniyang pamamalagi sa bagong dorm. Isang gabing hindi siya makatulog ay nakikila niya si Tristan at mula noon ay laging kumakatok at dumadaan sa bintana si Tristan upang bisitahin si Fosia tuwing hindi siya makatulog.
Broken hearted si Jun nang mas piliin ng babaeng mahal niya ay iba. Halos mabaliw siya at nagtangkang magpakamatay kung hindi lamang siya napigilan ng kanyang mommy. Ipinayo ng doktor na dalhin siya sa lugar kung saan siya makakapagpahinga at makakapagbakasyon. Naisip nang pamilya niyang umuwi sila ng probinsiya sa Batangas nang Semana Santa dahil lahat ay nakabakasyon. Bantulot man si Jun ay pumayag na din siya para maiba din ang kanyang kapaligiran at nang makalimot. Sa byahe nila, may nadaanan silang nagkakagulong mga tao at napagtanungan ng kanyang daddy kung anong kaguluhan meron. Sabi ng lalake na kanila palang kamag-anak ay may nagbuwis na naman daw ng buhay sa lawa. Hindi ito maintindihan ni Jun. Anong buwis ng buhay? Pagdating sa bahay ng kanyang lolo ay walang ibang ginawa si Jun kundi magkulong sa kanyang kuwarto at mapag isa. Isang hatinggabing maalinsangan, ay binuksan ni Jun ang kanyang bintana at nagpahangin. May napansin siyang isang nakaputi na umaaaligid sa may kawayanan. Tinanaw niya itong maige at napansin niyang babae. Ano'ng ginagawa ng isang babae nang ganitong oras sa kawayanan? Anong misteryo meron ang kanilang lugar at ano ang koneksyon ng babaeng nakita niya sa nagbubuwis ng buhay dito sa lugar nila? Isang bakasyong hindi malilimutan at makakapagpabago kay Jun.
