Deraye

Pwezi pou mete lang kreyòl la anvalè. Pwezi anvayim, pwezi poze lapat sou mwen tankou lè maladi mete abako, poum fè mo yo fè lòt lang yo filalang, Pwezi blayi kòl sou pwent plim mwen, nan kole pyese n'ap rive fè yon rekèy pwezi, san tete lang ak mo yo. Yon pwezi kreyòl ki pa nan benyen kache lonbrit, yon pwezi kreyòl san fòs kote yon pwezi kreyòl ki sèvi ak nannan mo yo.

Ak tout enpèfeksyon'm nan lang lan.m'ap kontinye fè bòbèch lang lan klere.