18 capítulos Concluída Mula pa noong Grade 8, lihim nang iniibig ni David Lorenzo ang transferee na si Kaithlyn Felismino. Tahimik, malambing, at may ngiting kayang paandarin ang puso-si Kaithlyn ang naging pinakamalapit na kaibigan ni David. Ngunit sa likod ng bawat tawanan, kwentuhan, at sabayang pag-uwi, itinago ni David ang damdamin niya. Mas piniling maging "scarecrow"-laging naroroon, laging nagmamasid, ngunit kailanma'y hindi kumikibo.
Hanggang sa dumating ang Grade 12. Senior year. Graduation na sa wakas. Pero bago tuluyang matapos ang kanilang high school life, dumating si Sean-isang palabiro at matalinong bagong estudyante na mabilis naging bahagi ng kanilang barkadahan. Pero sa likod ng kanyang ngiti, napansin agad ni Sean ang hindi kayang itago ni David: ang tahimik na pagmamahal na ilang taon nang kinikimkim.
At sa isang simpleng tanong, gumuho ang katahimikan:
"Gaano katagal mo pa itatago 'yan?"
Habang lumalalim ang kwento, pilit na ilalaban ni David ang damdaming matagal na niyang ikinubli-kahit ang kapalit ay ang pagkakaibigang ayaw niyang mawala. Masasaktan. Maiipit. Mapipilitan si Kaithlyn na tanungin ang sarili: Ano nga ba talaga ang halaga ng isang "kaibigan," kung sa bawat sandali... may pusong naghihintay lang mahalin?
Isang kwento ng pag-ibig, pagkakaibigan, at pagtanggap.
Dahil minsan, ang "kaibigan" pala... ay ang taong hindi lang basta naroroon-siya ang taong laging handang masaktan, basta't masaya ka.
