Aking Mga Tula💛 (to be continue)

"Friendship Over"

Sa simula ay para tayong ganito;
Sanggang-dikit kahit saan magtungo,
Napaghihinalaang magkawangis tayo,
At sinasabing Iisa lang tayo.

Taon na din ang tuluyang lumisan,
Ako ang kasama mo sa mga buktot mong karanasan,
Inaalo kita sa tuwing nararamdaman mo ang kapighatian,
Walang patumpik-tumpik at nagkukumahog na lilisan.

Batid kong ang lahat ay mayroong hangganan,
Mga pasaring nang iba'y iyong pinanigan,
Pahamatngon kong tinuran sayo pala ay isang kamalian,
Sa iyong pagkatigal nasambit ang "Tapos na ang Ating Pagkakaibigan".

Nanlulumo ako sa kinahantungan ng ating pagkakaibigan,
Walang pasubali ang iyong tinuran,
Patawad sa aking naging kamalian,
Sana dumating ang araw na hindi mo iyan pagsisihan.