A Rose with a Hundred Guns

Isang simpleng babae na mayroong simpleng pangarap si Nicole Fleur Spencer. Wala siyang ibang pinapangarap kung hindi ang maibigay ang maginhawang buhay para sa kaniyang pamilya at muling magtagpo ang landas nila ng kaniyang unang pag-ibig. Ngunit tila yata mapagbiro ang tadhana sapagkat sa kalagitnaan ng kaniyang pag-abot sa kaniyang mga minimithi sa buhay ay sunod-sunod na dagok ang kaniyang kakaharapin.

Isa na sa problema niya si Flint Sienfield Villin na tila kumpadre ni Satanas sa sama ng pag-uugali. Kung hindi maatim ni Nicole ang ka-gaspangan ng ugali ni Flint ay ganoon din ang lalaki sa kaniya. Dahil dito, hindi makumpleto ang araw nilang dalawa nang hindi nagbabangayan. Gayon man, mayroong nakakubling nakaraan ang dalawa na hindi nila nababatid. Maging daan kaya ito upang mapalapit ang loob nila sa isa't isa? O maging panibagong dahilan lamang ito ng kanilang hidwaan?

Isa ring malaking lihim ang unti-unting mabubunyag tungkol sa tunay na katauhan ni Nicole na siyang magpapabago sa kaniyang buhay. Ang lihim na pinakatatago ng kaniyang mga magulang. Ang lihim na magbibigay ng maraming katanungan tungkol sa tunay niyang pagkatao. Matatanggap kaya niya ang nakakubling katotohanang iyon? At higit sa lahat, matatanggap niya kaya ang kaniyang sarili?

[[Word Count: ≈125,000+ Words]]
Date Started: April 07, 2020
Genre: Action, Comedy, and Romance
©ILYSIMY, 2020