Binibining Esmeralda

Paano kung bibigyan ka ng isang pagkakataong mabuhay muli ngunit sa ibang panahon at ibang katauhan?

Kakalimutan mo ba ang masalimuot mong nakaraan at matutong mabuhay ng masaya sa bago mong kapalaran o mabubuhay ka lamang ng dala ang pighati at sakit dulot ng nakaraang pilit kang binabagabag?

Ito ay kwento ni Emerald, isang babaeng heneral na kinitil ang kaniyang buhay at nagising nalang bigla sa katawan ng isang dilag na kinitil din ang buhay dahil sa kaniyang iniibig.

Bilang isang Pilipino, ipagtatanggol niya ba ang kaniyang bayan laban sa mga dayuhan o mananahimik na lamang ito dahil ayaw niya na'ng ipaalala sa kaniya ng pakikidigma ang malupit na nakaraan?

Bilang isang dilag, hahayaan niya bang mahulog muli ang kaniyang puso sa pangalawang pagkakataon kung ang taong muling nakapukaw ng kaniyang atensyon ay kawangis ng kaniyang minamahal sa nakaraang buhay nito?

Bilang isang anak, pipiliin niya ba ang kabutihan ng kaniyang pamilya o ang kaniyang sariling pagnanais?

Bilang isang kapatid, matututo ba siyang tanggapin ang mga sekretong maaaring makasira sa pamilyang walang ibang ginawa kundi ang ipakita ang pagmamahal sa kaniya?

Bilang isang tao, matututo ba siyang pahalagahan ang buhay ng iba kung ang kamay niya mismo ay nabahidan na ng dugo ng maraming tao?

Makakaya niya kayang maging si Binibining Esmeralda?