The Hills Saw My Sadness

Nang mamulat ang isipan ni Catalina Margarita Rojas, hawak na ng ibang estado ang kanyang lupang sinilangan. Ang Pilipinas na kanyang kinamulatan ay isang kolonya ng makapangyarihang Estados Unidos. Pagsapit ng ikalawang digmaang pandaigdig, may panibagong banta na naman para kay Catalina at sa libo-libo pang mga Pilipino. Sa pagpasok ng mga panibagong mananakop, si Lina ay magiging kaisa ng mga maraming Pilipino sa pagtatanggol sa inang bayan. Siya ay magiging guerilla. Sa mga bundok ng San Isidro, siya ay malalagi. Ang bawat puno dito ay ang magiging mga piping saksi sa kanyang pangungulila at mga panaghoy.

Buong tapang siya ay makikipaglaban. Buong lakas ay iaalay niya para sa kanyang mahal na bayan. Kahit pa kaakibat nito ang walang katiyakang bukas at ang walang kasiguradohang may mababalikan pa siyang mahal, si Juan Pablo Dela Vega na isang Haciendero.