Second Chance | ybramihan (on-going)

Nagulantang ang lahat ng mga diwata nang makita ang napakapamilyar na mukha ng naging hara at bayani ng buong Encantadia; buhay at nakatayo sa kanilang harapan ngunit nakasuot ng napakabanyagang kasuotan.

"A-Amihan?" gulat na naibigkas ng Rama ng Sapiro ang pangalan ng babaeng pinakatatanggi.

Napabuntong hininga ang babaeng kamukhang-kamukha ng Hara ng Lireo saka inilagay ang kaniyang mga kamay sa kaniyang beywang.

"Kailangan ko bang ulit-ulitin 'to?" tanong nito dahilan para magtaka ang lahat. "hindi ako ang sinasabi ninyong Amihan...ang pangalan ko ay Amy at hindi Amihan, Hara, o kung ano pa man."

a/n: Dahil nga ibinalik ng GMA ang Engcantadia napagpasyahan kong magsulat para sa Ybramihan. Dahil masyadong masakit para sa akin na hindi sila nagkatuluyan (oo, parang nagkatuluyan sila pero tragic 'yong naging ending). At ngayon din ako nagmalakas-loob para magsulat, pero sana magustuhan niyo pa rin ito.