- حب وحرب

واحد جان يحب بنيه وعلى علاقه وياها سنين خطبها والتحق عسكريه قبل ميروح للجيش والتدريب راد يودعها شافها وجانت عيونها مليانه دموع وحيلها يرجف كبال حيلها ..
تتمنى دكله لتروح وابقه بس تعرف هذا حلم طفولته وشي يفرحه وفرحته من فرحتها ..بس جان خوفها عليه وانو تخسره كلش جبير باوعلها وهو مختنك بنضرات حسره وحزن (لتخافين عليه مااتاخر فتره التدريب كلها راح تضل هاي نضرتج معلكه بعيوني وباس عيونها وكاللها احضنيني حييل) باسته من عيونه وحضنته وشدت ايدها عليه ومسحت دمعته وكالت(حبيتك حب كلش جبير وعمره مراح ينمحي هل حب بوجودك بغيبتك يزيد كل يوم) جان يوم صعب مينوصف راح يبدي شبه حياه جديده ويعوف ناسه واهله ومنطقته وصحبته لم كل ملابسه بجنطه الجيش الجبيره واخذ ربطه حبيبته وصورتها واجه يودع اهله والدمعه بعيونهم كلهم ..
باس راس امه القويه الثابته المسيطره وجانت مبينه صلبه بس داخلها كلبها ممرود واخته الي نفس عمره وصديقه طفولته بجت وحضنته واخواته الصغار واخوانه الصغار كذلك واخو الي اصغر منه كم سنه باسه وحضنه وكاله عينك ؏ البيت بغيبتي .. وصل يم والده وجان وداعهم مختلف !. بي حسره وعتاب وقهر .. واصدقائه الي جان يطلع وينجمع وياهم الخنكه جانت كاتلته بكد فرحته انو حـ يوصل ويتدرب ويصير ضابط بـ القوات الذهبيه .. باوع ؏ البيت والمكانات الي جان من صغير يلعب بيها احساس غريب ومختلف صعب واحد يعيشه حته الجو صار حزين ؏ حزنه وصلو للباب وامه شايله طاسه مي ودعته وكالتله منتضرتك ترجع يمه ارجع واسويلك احله عرس البيت حـ يصير فارغ ومابي روح بدونك ترجعلنه سالم ..

معشوكته .. جانت تحبه لدرجه كلش جبيره (جان حبها عضيم) لدرجه مره غلطت بـ اسم ابوها وكالت اسمه والكل ضل صافن ..
جانت تكتبله رسايل حته وهو ماموجود حنيتلك اشتاقيتلك حنيت لصوتك لوجهك لعطرك لعيونك لشعرك لضحكتك لرمشك لزعلك ي حبيب ذكرتك والعشك رد روححيي خضره .!

ذكرتج وحنيتلج واني ؏ ساتر الحرب تذكرت حجايتج شكد ما غبت ابقه انتظرك وترجع ونتزوج وابقه وياك ؏ الحصيره بس مااريد شي من الدنيا اريدك انته !. وباوعت لله وحمدته عليج ورد بيه الحيل حيلين تذكرت (ابن روحي اني كل قوتي بيك) وصرت اقوه وعمري مراح اتركج عمري مراح اخسر هيج حب (النصر او الشهاده) النصر او النصر بحبنه !. ❤️

كاتبه النص ..

سـاره صالح 🧕🏻🕊!.