Paano kung ang dalawang taong pinagtagpo ng bilyon-bilyong mga bituin sa kalangitan ay pilit paglalayuin ng araw at buwan? Magagawa kaya ng duyog na pigilan ang matagal nang nakasulat sa malawak at kumplikadong kalawakan? "Araw at Buwan" Nang minsang maligaw ang araw sa isang madilim na kalawakan, ningning mo ang natanaw; natatanging likha sa kalangitan. Tunay ngang napakalinaw walang hanggang kagandahan kahit pa'ng balintataw ay may angking kalungkutan. inakong labis ang lumbay walang pag-aalinlangan. sa gitna ng kalawaka'y hinirang kang kasintahan. Ngunit kung sakali ma'y kailanganin kong lumisan sa pagbukang-liwayway, wika ko'y pamamaalam. Ang librong ito na pinamagatang "Sol at Luna" ay orihinal na akda ng Inked Papers. Layunin nitong makapagbigay ng inspirasyon at pag-asa sa kahit na sino mang babasa ng nilalaman nito. Ang ilan sa mga makasaysayang lugar, pangyayari, at tagpong nakapaloob sa librong ito ay base sa mga kaganapang umusbong noong panahong ang Pilipinas ay sinakop ng mga dayuhang Espanyol.