Arcane Realm: The Wizard Prince

Arcane Realm na ang ibig sabihin ay mundong puno ng hiwaga, karaniwang iniuugnay sa mahika. Ang mundong tinutukoy dito ay ang bayan ng Zarcovia isang lupain na karamihan sa mga naninirahan ay pawang mga wizard mga taong may kapangyarihan na manipulahin ang mga bagay gamit ang natatangi nilang kapangyarihan, subalit ang mundong ito ay hindi matatagpuan sa mundo natin, isa itong mundong nasa alternate dimension o gaya ng isang parallel universe at ang tanging paraan lamang upang marating ito ay gamit ang isang susi na tinatawag na zarion cube.

Naglakbay ang karamihan ng mga light wizards sa Morgonia ang bayan ng mga swordsman at mga taong hindi gumagamit ng magic upang hanapin ang isang spell na magrerestore sa kapangyarihan ng archsage na si Ammodeus (A-mo-de-yus), tumatanda na ito at humihina na ang kapangyarihan, iilang light wizards na lang ang natitira at isa itong malaking banta sa mga mage, ang maaari lamang pumalit sa kanyang trono ay isang tao na pinipili ng crystal ng Zarcovia sa oras na magliwanag na ito, ang ibig sabihin ay mayroon nang bagong itinakda upang maging isang Archsage.

Si Astrid ang isinugo upang hanapin ang taong iyon na ayon sa nakasulat sa propesiya ay isang wizard na magmumula sa mundo ng mga tao. Subalit kailangan niyang bilisan dahil nagbabanta ng pag-aaklas ang mga dark wizards na anumang oras ay maaaring lipulin ang mga mage.