Ang Babaye sa Atabay

Ako si Keana og duna koy kaluha nga ginganlag Kailah.

Naa siya sa atabay nagpuyo matag buntag kay di man siya puwede sa among balay mag stambay inig hayag ang adlaw kay basig naay makakita niya nga lain basin unsaon hinoon siya maong gipili nalang nila mama og papa nga sa atabay na lamang magpuyo si Kailah matag adlaw bisag sakit sa boot.

Pero inig tungang gabii mahimo rapud siya balik sa normal.

Bisag pareha mig nawng sakong igsoon naa juy kalahian namo kay inig adlaw duna siyay taas nga dila og green nga mga mata.

Di pud siya kaisturya og makalakaw sama nako kay kanunay lang siya nga magsaguyod sa yuta. Pero inig sapit sa kagabhion mahimo rapud siya ingun nga normal nga bata.

Sensitive siya sa tanang butang og dali ra magselos og di siya gusto nga pasakitan bisag sa pulong ra. Oo, lisud kaayo nga naa kay kaluha nga katunga babaye og ang katunga bitin.

Kada human sa akong klase mudiretso dayon ko sa atabay sa likod sa among balay para makigdula sa akong igsoon.

Akong tudluan og pabasahon si Kailah og hisgutan nako siya sa akong mga nakat-onan nga maayo sa skwelahan.

Gihigugma nako ang akong igsoon sa tibuok nako nga kinabuhi. Gihatag nako tanang gusto niya kay di ko gusto nga masakitan siya.

Pero wa ko nagdahom nga muabot diay sa punto nga pati akong uyab nga si Geo iyang ayoon sa ako.