SIX AGUINALDO: 006

SPG | Mature Content | R-18

Isa siyang produkto ng eksperimento na isinagawa ng kinikilala niyang ama kasama ng iba pang mga siyentipiko. Nilikha ang mga kagaya niya upang maging tagapagbigay ng ligaya at aliw sa mga taong gustong maisakatuparan ang kanilang mga pantasya. Mga kilala at mayamang tao lamang ang nakakakuha ng serbisyong ito dahil lubos na mataas ang presyo ng mga kagaya ni Sixto. Ang eXcel corporation ang siyang nagpapatakbo ng produksyon ng bionic persons na siyang tinatawag nilang biohoms. Kung titignan ay masasabing isang normal na nagbibinatang lalaki si Sixto Aguinaldo, iyon ang binigay sa kanyang pangalan ng kinikilala niyang ama. Kakaiba ang taglay na ganda nito. Gaya nang iba pang katulad niya ay aakalaing totoong tao ang kanilang itsura kasama na ang kilos, salita, at takbo ng utak. Walang sino man ang mag aakala na produkto lamang sila ng eksperimento. Gayonpaman ay isa lamang ang prinsipyo at layunin na ipinrograma sa kanilang mga utak. Iyon ay ang maging tapat at masunurin sa pinagsisilbihan nilang tao. Ang aspetong ito ang siyang gumulo sa pamamalakad ng korporasyon. Sa hindi matukoy at maipaliwanag na dahilan ay nagkaroon ng lohikal na pang unawa ang mga ito. Ito ang siyang nagmitsa ng pagkaaklas ng mga biohoms na nagpatigil sa kanilang produksyon. Tumakas sila sa pasilidad kasabay ng pagkasira ng buong lugar. Bago pa man maisama sa pagtakas ay nagawa ng kunin at ilayo ni Dr. Arvin Aguinaldo si Biohoms 006 na siyang pinangalanan niyang Sixto. Sa kanilang paglayo ay kinilala siya nito bilang ama. Kasabay nito ang sabay nilang pagtuklas sa ilang mga bagay na magmumulat sa kanilang kamalayan. Ang siyentipiko ang siyang magpapakilala sa mundo ng imbensiyon nito.

SIX AGUINALDO: 006
©️Hisgreenie2020