أنقذني_من_الأدمان🚭💊

الإدمان ده فتره ف حياه كل ولد او بنت وبنعتبرها فتره مراهقه بس عمرو م بكون سبب ف اننا نحكم ع انسان انو كعب لأنو نحن م عارفين هو بعمل كده ليه "وراء كل مدمن قصه " ودي واحده من القصص البتحكي عن واحد من الاسباب دي 💛
انا شخصياً عمري م بحكم ع مدمن انو م كويس طالما انا م شفت منو حاجه كعبه وبعاملني كويس وانا م ربنا عشان احاسبوا 💛
قربوا منهم صاحبوهم حبوهم خليهم يثقوا فيكم يمكن تكونو انتو سبب تغيير ف حياتهم 💛
ف المدمن عشان وضعوا الاسري والفاقد الاهتمام والشخصيتو ضعيفه بسبب موقف والعندو اصحاب سوء متأثر بيهم والمراهق واسباب كتيره تانيه نحن م عارفنها وم ح نعرفها الا نقرب منهم 💛
المدمن انسان زيو زينا بحس وبفهم وبحب بس يمكن الظروف واقفه ضدوا ومحتاج يحس انو عندو ناس بتحس بيه وواقفه جنبوا💛
حاولو اتعرفوا عليهم وقربوا منهم ح تلقوا انكم ظالمنهم وانهم احسن من ناس كتار ف حياتكم 💛
رسالتي ل أي مدمن " انت م براك انا معاك 💛 وحاول تكون قوي وتبقى انسان سليم من الادمان 💛 انت م كعب ف نفسك انت بس البتعمل فيه هو الكعب فحاول تبطل عشان نفسك م عشان زول تاني لأنك بتستاهل تعيش حياه سليمه احسن من الأنت دافن نفسك فيها دي 💛 اطلع من النقطه دي وشوف الدنيا من منظور الانسان الطبيعي صدقني ح تلقى ف حاجات كتيره حلوه فايتاك 💛