Takipsilim

Mga hinabing tula mula sa karayom at sinulid ng sakit at pagkabigo.

Mga nalukumos na papel na naipon sa basurahan dahil sa pagkakamali.
Mga nabasag na baso ng tiwalang tinimpla bilang pampagising sana ngunit natapon na dahil sa pagsasantabi.

Mga imaheng itinago na lamang sa baol ng pagkalimot.

Mga batong itinapon sa dalampasigang mapanglinlang ang agos na animoy dadalhin ka sa kasihayan ngunit lulunurin ka sa dagat ng pagkalungkot.

Mga kwentong minsang naging totoo sa mata ng iilan ngunit nahabi't napalitan, natakpan ng nagniningning na papel ng panandaliang kasiyahan.

Mga salitang sana'y nasabi at hindi na sana nagsisi. Nagbago sana ang huli.

Mga nasayang na tinta para sa mga salitang hindi man lang nabasa at nabuklat sa mga pahina ng librong nilikha.