Yazıçı

Hekayəmiz Sünbül adlı 22 yaşlı bir qızın dilindən danışılır. Qızımız "Tülkü" ləqəbli, əsl adını bilmədiyi bir yazıçıya heyrandır, onun kitablarını dəfələrlə oxuyub. Normal bir gündə o, evdə oturub yenə sevimli yazıçısının kitabını oxuyarkən telefonuna mesaj gəlir. Mesajı göndərən şəxs isə qızımızın o heyran olduğu, eyni zamanda bir neçə gün əvvəl qəribə şəkildə vəfat etdiyi barədə xəbər aldığı həmin yazıçıdır. Sünbül bunu görəndə təbii ki, çox təəccüblənir, amma təəcüblü hadisələr bununla bitmir: bir neçə dəqiqə sonra qapı döyülür və qapının ağzında sirli bir qutu olduğunu görür. Beləliklə, özünün də xəbəri olmadan macəranın tam mərkəzində olduğu bir həyata atılır. Bunun ardınca dayanmadan sirli, həyəcanlı və son dərəcə qəribə hadisələr baş verir.
Özünü həyəcanın və macəranın mərkəzində hiss etməyə hazır olanlar, Sünbül sizi gözləyir!