Rara

Salamat at ika 111 na taon na pala ngayon, ibig sabihin oras na sa paggising, bahagyang sambit ni Neraida.

F I L I P I N A S 1888

Isang pana na may lason ang baon na baon sa isang matayog na puno ng balete. Kasing bilis ng kidlat ang animo'y pagdating nito na di man lang namalayan ng binata.

Sino ba ang nariyan, magpakita ka!, sigaw ng binatang lalaki na nangangaso ngayon sa kalagitnaan ng madilim at masukal na gubat. Nakatayo siya sa paanan ng napakalaking balete na nilulumot na at halos 10 tao ang makakayap sa laki nito.Isang palaso na naman ang madiing tumusok sa paanan ng puno na halos matamaan ang kanang paa ng binata.

Magkahalong pagtataka at pangamba ang nararamdaman niya ngayon dahil di niya makita o maaninag man lang ang umaatake sa kanya.

Senorito!!!! Senorito... ikaw ay nasaan? pagpupursiging sigaw ng tatlong guardia civil na ngayon ay alalang alala sa nawawala nilang amo.

Agad ninakaw ang atensyon ng binata sa umaalingawngaw na sigaw ng tatlong lalaki na alam nya ay ang mga guardia na ngayo'y naghahanap sa kanya.

Ako ay naritoo....!! sigaw nyang pabalik habang itinaas ang dalawang palad at itinapat sa kanyang mga labi para mas maging malakas pa ang bawat alon ng tunog sa kanyang boses.

Agad naman namalayan ng sulok ng kanyang mga mata ang biglaang pag galaw ng mga talahib sa di kalayuan na animo'y may kung anong hayop ang tumakas. Agad naman napatakbo ang Senorito para maabutan kung anong nilalang ang naroroon. Hingal na hingal siya ng maabutan nya ang mga alikabok ng pinaghalong ginto at pilak na mistulang naglalaro sa hangin. Walang pagdadalawang isip na hinawan nya ang mga nakaharang na dahon at tila may hinahanap. Dismayado ang mukha nya ng wala siyang nakita.

---------------------------------
Tunghayan ang istorya ni Neraida. Saya ba kaya ang maidudulot sa kanya sa taon na ito o walang hanggang kasawian.