7 parts Ongoing Si Francheska Ysabelle Hernandez-kilala bilang isang rebellious rich spoiled brat. Isang babaeng walang ibang ginawa kundi suwayin ang mundo. Isang anak na tila walang utang na loob, isang prinsesang walang pakialam sa kahit sino.
Ngunit sa likod ng lahat ng maskara niya ay isang batang nawalan at nasaktan.
Kasabay ng pagpasok ng isang babaeng sumira sa perpektong pamilya niya ay ang pagkawala ng kanyang ina-ang bangungot na hindi na niya kayang takasan. Ang tahanang minsang naging kanlungan ay napalitan ng lamig at panghuhusga, mula mismo sa pamilyang minsang nagmahal sa kanya. Sa isang iglap, siya na lang ang estranghero sa sariling buhay.
Kaya lumaban siya. Naging suwail, naging rebelde. Hindi dahil gusto niyang sirain ang sarili niya, kundi dahil iyon na lang ang natitirang paraan para maramdaman niyang may kontrol pa siya sa buhay niya. Ngunit sa huli, siya rin ang natalo.
Bilang parusa sa lahat ng kanyang kalokohan, itinapon siya sa Astoria Heights Academy-isang boarding school na parang kulungan. Isang lugar na puno ng mga itinakwil, kinalimutan, at pinabayaan.
Makalabas pa kaya siya sa paaralang iyon?
O tuluyan na rin siyang mawawala, tulad ng lahat ng ibang itinapon roon?
