I Love you TWO! (Boystown Series #1)

Ang buhay ni Shamie ay parang isang sayaw. Isang sayaw na sa simula ay Ganado ka pero makakaramdam ka rin ng kaba dahil hindi mo alam ang susunod na mangyayari. Sa pagpapatuloy ng sayaw ay maaari kang madapa, matisod, matapilok at magkamali. Hindi mapapansin ng ibang tao ang pagkakamali mo dahil ikaw lang ang nakakaalam kung tama ba o mali ang hakbang na iyong ginawa. Dahil sa pagkakamali ay gagawin mo na ng maayos ang bawat galaw para magmukhang perpekto ang sayaw. Kahit anong gawin mo ay hindi magiging perpekto ang lahat, dahil ibinigay mo ang lahat sa umpisa sa kalagitnaan ng sayaw ay makakaramdam ka ng pagod. Mapapaisip ka kung itutuloy mo pa ba ang sayaw na nasimulan mo o hihinto ka para magpahinga. Pinili ni Shamie na ipagpatuloy ang sayaw na nasimulan ngunit sa pagkakataong ito ay hindi na siya nag-iisa. May dalawang kamay na nakalahad sa kanya para samahan siya sa pagsasayaw. Isa lang ang dapat piliin dahil hindi pwedeng dalawa ang partner mo. Hindi ka gagawa ng isang grupo kung saan tatlo kayong miyembro. Nahihirapan siyang mag-isip kung sino ang mas makakabuti sa kanyang sayaw. Kalaunan ay hinawakan niya ang dalawang kamay at nagpatuloy sa sayaw. Natapos ang sayaw sa harap ng isang altar , nanatili pa rin ang kanyang kapit sa dalawang kamay. Naging maayos ang pagtatapos ng sayaw dahil tama siya ng napiling kapareha. Hawak ang dalawang kamay ng kanyang minamahal dahil ang dalawang kamay ay pag-aari ng iisang tao na may dalawang katauhan.