UNMASKED (Incognito Book 3- Completed)

Star witnesses ang mga magulang ni Charlee sa isang krimen laban sa malalaking tao sa lipunan. Dahil doon, kailangan nilang magtago sa iba't ibang katauhan at magpalipat-lipat ng tirahan upang hindi masundan ng mga kalaban. Hindi sila maaaring maging kapansin-pansin; hindi puwedeng magkaroon ng mga kaibigan o ano pa mang malalalim na pakikipagrelasyon sa isang lugar sapagkat alam nilang hindi rin sila magtatagal doon.

Ngunit nakilala niya si ZD Montecillo. At sa kabila ng pag-iwas ni Charlee at pagtatago ng maraming bagay tungkol sa sarili, minahal siya nito nang tunay. Pero ilalagay niya maging ang buhay ng lalaki sa kapahamakan kung malalaman nito ang buong katotohanan.

Walang ibang paraan. Sasamantalahin lang niya ang pagkakataon habang kasama pa niya ito. Pero kapag dumating ang oras, iiwan niya ang San Diego at maging si ZD....