Springtime Remembrance

Para kay Freya, napakahirap nga naman iwan ang kaniyang mga kaibigan para sa ikabubuti at kapayapaan na gusto niya. Lumipat siya ng paaralan para makalimutan at iwasan ang madilim na kabanata ng buhay estudyante niya sa dati niyang eskuwelahan.

Nang magsimula siyang mag-aral sa Phillips High School ay madaming nagbago. Madami siyang nakilala, madami siyang pagsubok na hinarap, at madami rin ang tanong na bumabagabag sa isip niya dahil sa isang lalaking nakilala niya do'n.

Ramdam niya ang bawat pitik ng puso niya na tila papunta sa daan ng katotohanan tungkol sa buhay niya. Ano kaya ang mga ito? Anong katotohanan pa ba sa buhay niya ang dapat niyang malaman?