Bruised Heart

Sa dinami dami ng tao sa mundo, bakit ikaw ang napili ko? Alam ko namang kaibigan lang ang turing ngunit patuloy pa rin akong umasa. Umasa hanggang sa napansin mo na rin ang nararamdaman. Umasa hanggang narinig mo na rin ang kabog ng aking dibdib. Pero nang pagbigyan ng langit ang aking hiling na maangkin ka, tila mas nadagdagan ang pasakit ng tumutol ang tadhana sa ating pagsasama.

Aaminin ko na ikaw ay minsang naging dahilan ng labis kong kaligayahan ngunit tuwing babalikan ko ang mga ala ala natin, hatid mo ang pasa sa aking puso na walang kapantay ang dulot na sakit at kalungkutan. Ngayon na malapit ko ng ibaon lahat ang nararamdaman, nagpakita ka sa harap ko na may mapupungay na mata. Tila ba nag mamakaawa at nagdurusa. Kaya ko pa bang mahalin ka kahit na nasaktan na? Kaya ko pa bang mahalin ka ulit?