Battling In Reality

Being a politician is not easy.
Kailangan mo ng sapat na katalinuhan at kaalaman, hindi lamang iyon. Kailangan mo rin magkaroon ng magandang asal at higit sa lahat magkaroon ng puso, puso sa paglilingkod, pagseserbisyo at pagkalinga sa kapwa lalo na sa mamamayan na nasasakupan mo. Isang halimbawa nito ay si Mayor Archibald Axel Mañego III, Anak ng dating alkalde ng Sta. Fatima. Nang bumaba ang ama sa pagiging alkalde ng bayan, sumunod na tumakbo sa pagka-alkalde ng Sta. Fatima si Archibald Axel na siya namang nagtagumpay sapagkat tiwala ang mamamayan na tulad din ng kanyang ama, mapapamunuan nito ang bayan ng Sta. Fatima ng matapat, maayos at maunlad.

Si Archibald Axel ay kagaya rin ng kanyang ama na masayahin at masigla lalo na sa pakikitungo sa ibang tao ngunit sa kabila ng mga ngiti at tawa nito na ipinapakita, mayroon palang nakakubli na kalungkutan mula sa nakaraan ang dinadala nito.
Pilit niyang kinukubli at iniiwasan ang mga nangyari sa nakaraan ngunit sa pagdating ni Leialoha sa kanilang bayan ay tila ginising nito ang nakaraan na tila ang tadhana na ang gumagawa ng paraan upang muling mabuksan ang bagay na iyon.

Leialoha Asha Olivarez, isang elementary teacher sa pampublikong paaralan at magaling na chef na nagmamay-ari rin ng kainan na unti unti na ring nakikilala. Si Leialoha ay mula sa mayamang angkan ng pamilya kung saan kilala sila bilang isa sa nagmamay-ari ng kilalang Architectural Firm gayundin ay matunog ang kanilang pamilya pagdating sa larangan ng pagnenegosyo, ngunit pinili ni Leialoha na maging isang guro na siyang pangarap niya, kahit na malaki ang hindi pagsang-ayon ng kanyang ama. Kung iisipin ng karamihan siya ay sadyang pinagpala ngunit sa kabila nang lahat ng tagumpay niya, hindi pa rin maramdaman ni Leialoha ang kasiyahan dahil ang tanging taong gusto niya na makakita sa lahat ng mga tagumpay niya ay tila bulag sa lahat ng kanyang ginagawa.