Lost with You

Matagumpay na sa buhay si Zidney, pero may mga bagay pa rin na hindi nito kayang punan. Lumaki siya sa isang pamilyang hindi buo, at kahit gaano pa siya katatag ngayon, may malaking puwang pa sa kanyang puso na hindi niya kayang punan. Ang mga sugat ng nakaraan ay hindi madaling mawala, at kahit anong tagumpay ang natamasa niya ngayon, nangingibabaw pa rin ang kalungkutan na nararamdam niya.

Paano kung isang tao mula sa nakaraan ang bumalik? At sa bawat salita niya, muling bumangon ang mga takot na matagal na niyang iniiwasan. Siya ang dahilan kung bakit nawala ang tiwala niya sa sarili at sa pagmamahal. Ngayon, hindi niya alam kung paano siya dapat harapin-galit, takot, o baka... sana, wala na lang. Pero narito siya muli at nag-aalok ng mga salitang matamis na parang wala nang nangyaring masama sa pagitan nila.

Pipiliin niya bang magbukas ulit ng puso, o mananatili sa lakas na nahanap niya nang mag-isa? Paano kung ang mga matatamis na salitang iyon ay muling magdulot ng sakit at magpabalik ng takot ni Zidney? Pero paano kung sa pagkakataong ito ay iba na? Ang mga tanong na iyon lang ang naglalaban sa isipan niya.

Totoo ba na ang pagmamahal ay mas matamis sa pangalawang pagkakataon? O baka naman, magiging mas masakit lang ito kaysa dati?

Pipiliin ba ni Zidney na yakapin ang pagkakataon, o manatili na lang sa kung anong meron siya ngayon?