My Lover is a Monster

Sa isang baryo kung saan ang mga nakatira ay payak na namumuhay, simple at masayahin, nakarating si Vanessa dahil sa isang kaibigan at pansamantalang nanirahan doon.

Maituturing na isang paraiso ang lugar ngunit may isang parte niyon ang kinatatakutan ng mga taga baryo. At tulad ng ibang lugar ay may mga kwentong baryo din doon. Ang liblib na lugar daw doon ay may naninirahang mga halimaw!

"Jusme! twenty first century na nagpapaniwala pa kayo dyan? High-tech na ngayon. Ang dami ng mga invention na nadidiscover. Tapos kayo pala dito di pa maka get over sa mga ganyang paniniwala? Oh Em Gee!"

Tatawa tawang pahayag ng dalaga sa tiyahin ng kaibigan.

"Ineng, hindi gawa gawa ang kwento kong iyon. Sa masukal at liblib na lugar na yon may nananahan na mga halimaw! Madami nang mga dayo ang nag pupunta dito at hindi na nakakalabas ng lugar na ito dahil mga hindi marunong makinig! Kaya marapat lang na pag sapit ng takip silim ay wag ka nang lalabas ng bahay kung gusto mo pang masilayan ang syudad!"

Pagalit na tugon ng matanda sa kanya. Isinawalang bahala na lang n'ya iyon at in enjoy ang bakasyon sa magandang lugar. Sa isip n'ya marahil ay tinatakot lang s'ya nito.

Isang araw may nakilala s'yang super poging lalaki. Hinabol pa n'ya ito hanggang makarating sa sa kinatatakutang lugar. Nang oras na yon ay hindi takot ang nararamdaman n'ya kung hindi ang pag nanais na makilala ang lalaki. Sa pag pasok nya sa liblib na lugar ay doon n'ya nalaman na hindi gawa gawa ang mga kwento sa baryong iyon patungkol sa mga halimaw. Dahil kitang kita mismo ng dalawa n'yang mata ang mga ito...