ستعشقيني رغم عنادك

"كدبة الحب"
" اااه مستغرب ليه الحب كدبه،بتضحك بيها على نفسك وبتعيش نفسك في عالم وردي وانت بتكون في اقصى حالات الغفله،الانسان بيعيش عمره كله يدور على حب رغم انه عارف ان كل العلاقات الي حواليه فاشله وحتى لو بيضحكوا على نفسهم ومكملين ف دا مش حينفي فشلها،هما عارفين والناس عارفه وانت عارف بس مكملين
لييه؟عشان مغفلين بتنخدعوا بمذاقه الحلو ولذة وحلاوة البدايات زي مابيقولوا......ههه عامل زي الي واقف قدام ورد صناعي ومستني يشم منه ريحه....انت مغفل وانا مغفل وكلنا مغفلين لاننا بنصدق الكداب دا بنصدق الشعور القذر دا وبنمشي وراه وبنيجي في نهاية الطريق نكتشف انه اي دا انا اتخدعت!؟لا يا راجل ماتقلقش دا لسه اول خازوق بالشفا ان شاء الله....."
توقفت قليلا عن الكتابه لتأخذ انفاسها فهي الى الان لا تصدق ماحدث لها لا تصدق انها هي الان من يكتب ويلقي بتلك النصائح
ولكن نعم فالمؤمن لا يلدغ من الجحر مرتين...لكنها فعلت
اكملت بعبارات هادئه
" يمكن يكون الحب شئ جميل شعور حلو انك تحس انك عايز حد جنبك ومش قادر تبعد عنه وتحس من نحيته بنفس الشئ تحس انك عايز تدخل جواه تعيش جوه حضنه تعمل ~بيات عمري~ في حضنه....لكن دا لما يبقى حب بجد،حب زي الي حبه عنتر لعبله وقيس ل ليلى حب زي الي بنقراه والي بيكتبوه الزملاء في رواياتهم كلاام بيضحكوا بيه