Marked Aces: The Flame Holder (On-hold)

Sa ilalim ng kalupaan ng Earth nagtatago ang mundo ng Oprious. Ang mga nilalang na narito ay nahahati sa tatlong hukbo; ang mga Troher na nasa itaas na pangkat at nagtataglay ng iba't ibang kapangyarihan, ang mga Ekon na nasa gitnang antas at gumagamit ng puting salamangka, at ang mga Kruk na nasa ibabang ranggo at gumagawa ng maiitim na mahika.

Ang tatlong Marked Aces--mga troher na namumuno sa iba't ibang linya ng kapangyarihan--ang inatasan para hanapin ang nawawalang Flame Holder. Ang Ace sa linya ng tubig at yelo na si Ezra, kasama ang dalawa pang mga markado ay lumisan sa Oprious--ang kanilang mundo--para magtungo sa City ng Merville--isang siyudad sa Earth kung saan naroon daw ang kanilang hinahanap. Bago pa man maganap ang eklipse ay kailangan na nila itong madala pabalik sa Oprious dahil magaganap na ang pagtanggap nito ng kapangyarihan sa mismong araw na siya ay mag-dalawampu. Ang pagtanggap ng kapangyarihan ay delikado para sa isang Troher dahil maaaring ang kapangyarihan mismo nito ang umangkin sa kaniyang sarili. At kung mananatili naman ang Troher sa siyuadad habang nagaganap ang pagtanggap ay maaari rin itong magdulot ng kapahamakan sa mga tao.

Hanggang saan kaya sila dadalhin ng paghahanap sa nawawalang Holder? Mapagtatagumpayan kaya nila ito kung sa mga araw na sila'y nasa bagong lugar ay hindi nila maiwasang magtalo-talo dahil sa iba't iba nilang pag-uugali?