Peng mëkati

Sot jam peng i mëkatit tim. U ringjall ai mallkim yti që mendova se e kisha vrarë vite më parë. U riktheva sërish në kohën kur aq shumë dëm e dhimbje të shkaktova.

Sot më duhet të paguaj, e s'më mbrojnë dot justifikimet e kota. Sot paratë s'më bëjnë punë, ndaj do vë në lojë shpirtin, të vetmen gjë me vlerë që mendoj se kam poseduar. Sot do futem në një betejë ku e di se fitoren s'e arrij dot.
E armiku im i përbetuar do jetë mizoria. Do ma marrësh shpirtin ashtu siç unë bëra me tëndin pa më dhembur zemra. Asgjë më pak, asgjë më shumë, pikërisht aq sa meritoj, aq sa këmbët të mos më mbajnë më, aq sa të të lutem njëjtë siç ti bëre.

Sot do ndërrojmë rolet. Sot do jem unë ajo që do të të dua, do jesh ti ai që do më lëndosh, do jemi ne ata që do vuajmë.

Filluar më 13 qershor 2020
Përfunduar më 13 janar 2021