Mga Anak ng Araw

Isang malalakas na pagyanig ang gumising kay Kyle sa kalagitnaan ng gabi.

"Lumilindol ba?" Tanong niya sa sarili.

Agad siyang lumabas sa kanyang kwarto at sinilip ang kwarto ng kanyang ina ngunit wala siya doon.

Si Kyle ay isang 15 taong gulang na nakatira sa Siyudad kapiling ang kanyang ina. Normal ang naging kanilang pamumuhay subalit may mga pagkakataon na pinagsasabihan siya ng kanyang Ina na maghanda sa mga hindi inaasahang pagkakataon.

Ito na ba ang binabanggit ng kanyang ina? Agad siyang napahawak sa kwintas na medalyon niyang suot nang maramdaman ang kakaibang hangin sa kanilang bahay at nang maharap ito sa salamin ay nakikita niya itong nagliliwanag.

Matapang na kinuha ni Kyle ang baseball bat sa kanyang kwarto at dali daling bumaba.

Pag baba nia sa kanilang sala, magulo ang kagamitan na akala mo ay may nag away at nagbatuhan ng gamit sa loob.

"Anak! Yuko!" Sigaw ng kanyang Ina na dali dali naman niyang sinunod.

Inihagis ng kanyang ina ang isang mahabang espada sa kanyang direksyon at dahil naka yuko siya, isang naka itim na lalaki ang tinamaan.

"Arhhhggg" sabi nalang ng lalaki habang nawawalan na ng hininga at bumagsak na sa sahig.

Nang bumagsak ang lalaki ay dali dali siyang nilapitan ng kanyang ina at niyakap.

"Wala nang panahon Kyle". Hinila siya ng Kanyang ina palabas ng bahay papunta sa kanilang hardin.

Nang matapat sa gitnang bahagi ng hardin,

"Kahit ano mangyari ay huwag kang aalis diyan!" Hindi ito agad maintindihan ni Kyle ngunit nang may banggitin na salitang kakaiba ang kanyang ina ay saka lang naging malinaw ang lahat. Nagliwanag ang sahig. Nasa loob siya ng isang malaking bilog at gitna ng isang pentagram.

Lumipas ang kalahating oras matapos siyang iwan ng kanyang ina ay dumating ang limang kalalakihan tumatakbo sa kanyang kinaroroonan at akmang papatayin siya. Napakapit siya ng mahigpit sa bat na dala niya at nang makalapit sa bilog ang mga kalalakihan ay isang napakalakas na liwanag ang bumalot sa buong paligid.