أسيرة الانتظار

بيتكلموا عن الانتظار كتير وبيقولوا ان كل ما بتفضل مستني حد وميجيش في الاخر ... وقتها الامل هيروح ويمكن تنسي الحد ده....الانتظار بيبقي تحدي ما بينك وما بين كل الناس .. لان الاغلبيه بيقولك ان اخرة الانتظار ولا حاجه بس لو كان عندك ثقه في ربنا وامل كبير بان الحاجه اللي بتنتظرها في الاخر هتبقي ليك ف انت هتفضل مستني من غير ما تتخلي ولا لحظه ...ده اللي هيحصل في روايتنا البطله اتحدت كل الناس بإن الحد اللي مستنياه اكيد هيجي في يوم وياخدها من بينهم .....مع ان كل الاشارات اللي ربنا بيبعتها ليها بتقول ان عمرها ما هتشوفه تاني وباقي الاشارات علي قد ما كانت قليله بس ربنا كان بيبعتها ليها علشان كل ما الامل يروح من عندها يرجع تاني وتتزرع طاقات امل اكبر واكبر
البطل ولا علي باله يمكن لو كان عارف ان في وحده بتحبه بالشكل ده كان مكنش هيسيبها ابداا بس للاسف هو شايف ان كل البنات شغلها في الحياه انها تجري ورا الرجاله علشان فلوسهم وشكلهم وبيعتبر اي بنت وسيله سهله للمتعه وفي نفس الوقت هي ارخص وسيلىه ... عمره ما شاف اي بنت غريبه عنهم كلهم واحد فكلهم في نظره واحد
يا تري بطلتنا هتبقي واحده زيهم ؟؟ ولا عكسهم ؟؟
هو هيغير فكرته ولا هيفضل عليها كتير ؟؟
ياتري امتي هتلتقي البطله بحبيبها المنتظر ؟؟