Madaming pangako ang pag-ibig. Kasiyahan. Kaluguran. Kapanatagan ng loob. Kagalakan. Katambal ng mga pangakong ito ay ang pighati't sakit na matatamo kung napamahal ka sa maling tao. Walang garantiya na lahat ng pinapangarap mo para sa inaasam na pag-ibig ay mapapasaiyo. Hindi ito naratibo tungkol sa kalungkutan. Hindi ito paglalahad kung gaano kahapdi maiwan ng minamahal. Ito ay isang pagninilay-nilay para sa pansariling emosyon. Nawa sa kwentong ito, hindi pait ang iyong mapagtanto. Masarap umibig. Lalo na kung natikman mo na ang lahat ng lasang sa iyo ay kakabig.