Tainted Oculus

Kasalanan daw ang mamatay ng mahirap, sabi ng mabubuting taong nakakakain ng tatlong beses isang araw at nabubuhay ng hindi magbanat ng buto. Hindi ko na alam ang tama sa mali. Sa tingin ko kasi, pati na ang milyo-milyong taong nagugutom ay mas kasalanan ang walang maiuwi sa bahay para lang may pantustos sa kumakalam na sikmura. Paulit-ulit man nilang banggitin na wala kaming konsyensiya, naririnig ko, sumisigaw ang tao sa loob ko. Pero kung nandito ka sa lagay ko mas malakas ang palahaw ng mga bibig na minsan lang makatikim ng bigas kaya hindi niyo kami masisi.