THE PRESENT: My Unfair Lady

Sa sobrang pagmamahal ni Meg sa nobyong si Jake ay ibinigay niya ang lahat dito. Handa siyang magpakamartir, magpakatanga at magbulag-bulagan. Ganoon siya katanga pagdating sa lalaki. Hanggang isang araw ay nabuntis siya nito ngunit bago pa niya iyon maibalita sa lalaki ay naglaho na itong parang bula.

Hindi alam ni Meg kung paano sasabihin sa mga magulang ang sitwasyon niya. Mabuti na lang at to the rescue ang bestfriend niyang si Daniel. Nagpanggap itong ama ng anak niya, huwag lang siyang itakwil ng mga magulang. Ang problema, nagpumilit ang mga magulang niyang pakasalan siya ni Daniel.

Wala namang kaso iyon kay Meg kung si Daniel ang totoong tatay ng anak niya. Isa pa, ayaw naman niyang magsakripisyo ito nang ganoong kalaki para sa kanya. Paano rin kapag bumalik ang tunay na ama ng anak niya? Kahit naman kasi ano ang mangyari ay si Jake pa rin ang mahal niya.

Hanggang isang araw ay inamin ni Daniel na ginagawa nito ang lahat ng iyon dahil mahal siya nito nang higit pa sa pagiging kaibigan. Mula noon ay nagkaroon na sila ng gap. Tanga nga kasi siya. Hintay nang hintay sa lalaking iniwan siya sa ere.
At ang Daniel, nanawa rin yata sa katangahan niya. Sinukuan na siya at hindi na ipinilit ang pagmamahal nito. Pero nang makita naman niya itong may kaharutang iba, nais naman niya itong hilahin pauwi ng bahay nila.