Stay

Si James ay kuntento na sa kung anong meron ang pamilya niya,para sa kanya ay hindi importante ang kayamanan at materyal na bagay basta nakakakain sila ng sapat sa araw-araw.Kahit papaano ay gusto niyang makatulong sa kanyang mga magulang kaya naman nang bakasyon ay naisipan niyang maghanap ng mapagkakakitaan kasama ang pinakamalapit niyang kaibigan.Bago makapaghanap ng trabaho ay hindi inaasahang magtagpo sila ni Austin sa isang hindi kaaya ayang pagkakataon.Matinding takot ang naramdaman niya at lalong tumindi nang malamang anak ng magiging amo niya ang lalaking iyon.Ngunit habang tumatagal at napapadalas ang pagkikita nila ay unti unti siyang nakakaramdam ng kakaibang pintig sa lalaki.Ang akala niya at ng pamilya niyang mas matigas pa siya sa bato ay biglang magbabago.Matinding takot ang lumukob sa kanya kaya naisipan niyang itanggi sa sarili,itago sa mga kaibigan at pamilya. Ngunit ang lalaking nagugustuhan niya ay sadyang hindi mapigil ang sarili,kahit na mayroong nobyang taga maynila ay masuyo siyang inaakit ng maiinit nitong titig.Nang makita niya ang pinakamahalagang bagay ng angkan ng Sandoval kung saan napapabilang ang lalalaki ay itinago niya ito.Matagal na itong nawawala ngunit hindi niya alam na ito pala ang hinahanap ng pamilya.May isinumpa ang lola ng lalaki noong nabubuhay pa ito,sa oras na makita ang nawawalang bagay ay bibigyan ng gantimpala ang kung sino man ang makahanap nito.Nang malaman niya ito ay binalak niyang ibalik ang bagay ngunit dahil sa isang pangyayari ay hindi natupad.Nasira ang lahat ng bagay na nagbibigay lakas sa kanya upang ipaglaban ang nararamdaman niya sa lalaki.