My One Week Fairy Godsister [COMPLETED]

Hindi artista si Camille Salonga. Pero isang Linggo siyang umarte at pumalit sa puwesto ni Rie Faye Buenaventura, ang super-maldita at mega-kontrabida sa paningin ng kinakapatid nitong si Pheobus Apollo Ibañez.
Twelve years na di nagkita ang dalawa. At pinakiusapan siya ni Rie Faye na siya ang tumira sa poder ng binata dahil sa sirkumstansiya nito. Di siya pumayag pero agad na nagbago ang isip niya nang suhulan siya nito ng replika ng estatwa ni Venus de Milo. Wagi na sana ang villain acting niya sa harap ni Apollo pero natagpuan niya ang pusong umaawit ng "Can this be love?" sa tuwing masisilayan niya ito. Wala sa script niya ang mai-inlove dito pero di niya mapigilan ang pasaway niyang puso. Ang masaklap pa, may girlfriend itong balak nitong pakasalan. At para dito ay isa lamang siyang sakit sa ulo na dapat bantayan. Ano ang gagawin niya? Meron lamang siyang isang Linggo para ang pagpapanggap niya bilang "godsister" ay mauwi sa pagiging "destined lover." At ano na ang mangyayari kung sakaling mabuko siya nito? May pag-asa kayang maging sila sa ending ng istorya? O uuwi siyang luhaan dahil sa mga kasinungalingan niya?