كرونيك كل كلي باللهجة الجزائرية 🌷
و كل ذرة مني تناجيك فالروح بك هائمة و الجسد لك عاشق فيا كل كلي ارحمي عبدا كان لعيونك اسيرُ ❥
قرب منها حتى ولا بمواجهتها خبط الباب بيدو و صاح " ما تشوفيش في #$# هكاا نتي وعدتني تبقاي معايا "
عوجت فمها و قالت بلا مبالاة " حتى نتا وعدتني بأشياء كثيرة و خلفت بيهم "
رخف يدو لي على الباب و رد " و..ش احم وش قصدك ؟! "
ربعت يديها مزيرة على كفوفها و جاوبت "كانو بينا وعود و لتنين خلفنا بيهم ... انا وعدتك نبقى معاك حتى للخر بشروط ... و نت وعدتني تلتزم بيهم ... لا نتا التزمت بيهم و لا انا راح نبقى "
رغم البرود لي مغلف صوتها و نظراتها اما ما خفاش عليه لمعة الدموع لي في عيونها و لا حتى رجفة صوتها الخفيفة ،
هز راسو بهسيتريا و حكى بضعف و تردد " اما .. اما نتي نتي وعدتني مهما نغلط تبقاي .. و تصحيلي "
شدها من مرفقها بعنف مقربها منو و حكى بنبرة حاول قدر المستطاع تخرج ثابتة " قتلك من لول بلي انا كلي اغلاط و راح نتعبك معايا ... و نتي وش قلتي همم "
غمضت عينيها بقوة سامحة لدموعها ينزلو .. قرب منها اكثر يهمس في وذنها بنبرة منكسرة " و نتي قلتيلي و لو كلك اغلاط راح نكون كل كلك و راح نبقى معاك ... مهما كثرو اغلاطك راح نحتويك ديما .. حتى ما تبقى ولا غلطة صح ؟ "
حلت عينيها و دفعاتو بكل قوتها تبكي و تصيح بانفعال " ايه قلت هكا ... اما ما قدرتش نتا عند اول
