Embracing the Dusk - On Going

Hindi basta natatakasan ang nakaraan lalo na't nagdulot ito ng malaking pagbabago sa buhay ng isang tao. Nakaraan na sana ay kayang maitago sa isang ngiti, sa isang tawa, at sa isang salita. Nawaglit ng minsan pero araw-araw pinapaala ng puso at isip. Sa kabila noon ay natutunan kong maging masaya, maging matatag at maging matigas.
Nakilala ko ang mga taong nagpakita ng isang mundong iba sa kinamulatan ko at hindi ko maikakaila na 'Worth it' maging masaya. Naging malaking parte sila ng buhay ko at handa akong ibuwis ang buhay ko para sakanila, pero Hindi pala ganun kadali ang lahat hindi porket kaibigan ko na sila ay alam na namin ang totoong kami sa isa't isa.

Nang umepal siya sa buhay ko.
Nagulo ang buhay ko, ang diwa ko at ang puso ko.
Pinaramdam niya saakin na hindi ako totoo dahil sa kabila ng lahat ng pinakita ko ay siya ang makakatuklas ng totoo, and I hate it.
Hindi ako handa, dahil kailanman ay hindi ko inaasahan na darating sa puntong iyon ng buhay ko.

Ako si Bianca mas kilala sa tawag na Bj may ilan na tumatawag na Banki at may isang tao ang tumawag sakin ng hindi ko nakasanayang itawag sakin.

Siya ang taong babago sa nararamdaman ko.
Siya ang pupukaw ng matigas kong puso.
Siya ang walang kwentang taong pumasok sa ulirat ko ng wala akong kamalay malay.
Siya ang naging gitara ko sa mga panahong pinanghihinaan ako.
At siya ang taong muling nagparamdam sakin ng sakit .