Peridot

Summer of 2020. Isang kasaysayan ang matutuklasan. Isang kuwentong nakabinbin, ilang dekada na ang nakalilipas.

Ano kaya ang nakapaloob sa lumang diary ng isang nagngangalang... Peridot?

***

Santa Claus. Bermuda Triangle. Atlantis. Unicorn. 'Yung feeling na akala mo ay totoo pero hindi pala. Na kagaya ng isang batang umasang totoong may true love galing sa isang prince charming, mapagtatanto mong tama si Elsa- "You can't marry a man you just met."

Fireworks. Glitters. Bonfire. Birthdays. 'Yung feeling na akala mo ay siya na ang para sa'yo dahil masaya ka sa kaniya pero magpagtatanto mong hindi pala. Na kasabay ng pag-ihip ng hangin ay ang kaniyang paglisan na parang bulang walang pasabi- Basta't naglaho na lamang at walang pakundangang iniwan kang nalalanghap ang nakasusulasok na usok.

Building. Trampoline. 'Yung feeling na handa ka nang tumalon at mahulog dahil alam mong may sasalo sa iyo... Pero akala mo lang pala iyon. Dahil sa iyong pagbulusok pababa ay lilisan siya dahil sa nakitang paru-parong nakabibighani.

True love? I think I know its essence because I already have it. At ipaglalaban ko ito kahit na ano'ng mangyari.