Love Seeker

Naniniwala ba kayo sa pag-ibig?

Ang pag-ibig ay simbolo ng dalawang taong nagmamahalan sa isa't isa. Isa itong pakiramdam na magdadala sa rurok ng kasiyahan ng isang tao. Kahit sino naman yata ay naniniwala rito.

Naniniwala naman si Scarlett Adira Panganiban, isang babaeng malamig at masungit kaya walang taong nagtatangkang lumapit. Pero dahil sa mga nakita at naranasan niya sa mga taong nasasaktan nang dahil sa pag-ibig ay parang nawalan na rin siya ng pag-asang magtiwalang meron itong kahalagahan sa mundo.

Kasi sino ba namang magmamahal tapos masasaktan lang din naman? Sino ba naman kasi ang magsasakripisyo para sa ikasasaya ng taong mahal nila tapos mawawala lang din naman pala sa kanila lahat? Sino ba namang matalino ang magpapakatanga para sa isang taong walang ginawa kung hindi ang lokohin at paasahin sila?

Buong buhay ni Scarlett, dinala niya ang palaisipang iyon. Ngunit paano kung makilala niya si Treyton Marcellus Vergara, isang mayamang lalaki ngunit nagpapanggap lang na isang probinsiyano na nagngangalang Tristan, at magpapatunay sa kanyang hindi rin pala masama ang magmahal?

Mananatili pa rin ba siyang matigas at malamig? O magpapahulog na sa patibong ng pag-ibig?