قلبي بك قد فتن

( راح تردين علي الليله اذا اتصلت )
سالها بلهفه مشتاق الها موت وهي معاقبته صارلها يومين ما تحجي ويا منجن عليها وهي ولا ابالها اخر همها
( اشوف )
كالت برود وهي تحاول تنهي المكالمه ويا بسرعه اخوها على الباب تخاف يسمعها
( ما بيها تشوفين راح تردين هاله )
كالها بصيغة امر لانه من صدك مشتاق الها وهي تتعمد تبعد عنه
( كتلك اشوف )
كالت بعصبيه من اسلوبه اكثر من مره فهمته لا يامرها وهو لمن ما يصير الي يريده يستخدم هذا الاسلوب
وياها ويرجع يفرض نفسه وشخصيته الي ينساها لمن يحجي وياها عليها لمن ما تطي
( راح تردين فاهمه يلا روحي هسه وبعدين نحجي )