M U T A N T - G

PROLOGUE
Ang manunulat ay ipinanganak sa panahon na nagsisimula ang Pilipinas ng isang panibagong yugto pakatapos ng Martial Law na idineklara ng noo'y Pangulong Ferdinand Edralin Marcos. Hanggang sa habang siya'y lumalaki ay kinagisnan naman niya ang panahon ng Jukebox, Slow Rock at mga Superheroes. Naging bahagi ng kasiyahan niya bilang bata ang mga larong payak, payak na patakaran at payak na kasiyahan tulad ng tagu-taguan, tumbang preso, step yes, luksong tinik, luksong baka, touch ball, water game at marami pang iba. Lahat ng ito'y nagagawa niya kapag nabibigyan siya ng pagkakataong lumabas. Ngunit karaniwa'y mas pinipili niya ang manatili sa loob bahay, makinig ng mga drama sa radyo at higit sa lahat magbasa ng komiks ng mga paborito niyang kuwento na sinusubaybayan, lalong-lalo na ang mga kuwento tungkol sa superheroes. Kung kaya't kinikilalala ng manunulat na ang kaniyang akda ay inspirasyon ng paborito niyang karakter ng XMen. Ngunit sisikapin nitong maging orihinal at itatampok pa rin ang kultura at aspeto na may kinalaman sa kulturang Pilipino. Marami nang pinagdaanang pakikibaka ang Pilipinas. Hanggang sa humantong ang henerasyon ng maunlad na siyenseya at teknolohiya.