The Final Ending

Sa pag-ibig, kailan mo ba masasabing tapos na ang lahat?
Sabi nila, kung may pintuang magsasara ay may panibagong magbubukas...

Ako si Calista Guillermo at masasabi kong tapos na ang lahat sa amin ni Kean Avilla.

Ang ending ng pantasyang aking binuo at iningatan, akala ko'y magiging isang happy ever after pero dadagdag lang pala ito sa mga kwentong mga sawi sa pag-ibig.

Umalis ako at nagpakalayo-layo, naniniwalang sa ganitong paraan ay ako'y makakalimot.
At nagawa ko ngang alisin sa puso at isipan ko ang natitira pang pag-ibig gayundin ang sakit at pait na idinudulot nito.

Pagkalipas ng tatlong taon, heto ako at tinatahak na muli ang dating daan, ang dating lugar, ang dating buhay na iniwan ko.

Wala man halos nagbago ngunit ang taong gumaganap na dito ay ang bagong Calista na binuo ko sa aking paglisan.

Ngunit sa di inaasahang pagkakataon, may mga bakas sa aking pahina dati na pilit bumabalik.
Isang pahina sa buhay kong ako lamang at siya ang nakakaalam.

Ang pahinang akala ko ay makakalimutan na lamang sa pagdaan ng panahon...ngunit sa aking pagtahak sa panibago kong buhay ay ito ang bubulaga sa akin.

Akala ko ay tapos na ang mga nakaraang pahina...ito lang nagpapatuloy sa kung saan ito tumigil.