Gloryvale's Glory (PENDING)

Simula pagkabata alam na ni Cameron Ira Liaco na iba ang gusto at sinasabi ng puso niya kaya naman ng umamin siya sa kaniyang ama na lesbian siya ay hindi ito natanggap kaagad ng Tatay niya.

"Hindi pwede! Wala akong anak na Tibo. Hindi nag sayang ng buhay ang Mama mo para maging ganiyan ka."
"Tay, ganito na po talaga ako. Hindi ko na po mababago ang sarili ko."
"Kalokohan!"

Panay ang luhang dumadaloy sa mga mata ni Cameron habang pinapanuod niya ang Tatay niyang basagin ang kaniyang gitara at itapon sakaniya ang kaniyang mga damit.

"Lumayas ka! Huwag kang babalik dito ng hindi ka nag babago."

Simula ng pinalayas siya ng kaniyang ama ay nanirahan muna siya sa apartment ng Kuya Calvin niya sa Maynila. Sa Maynila na rin siya nakapag tapos ng kolehiyo at nakilala ang kaniyang kasintahang si Mikaela.

"Baka gusto mong mag apply sa kumpanya na pinag tatrabahuhan ko, love."

Hindi alintana kay Mikaela na hindi masaya si Cameron sa trabaho nito bilang management trainee sa isang sikat na fast food chain kaya gusto niyang makatulong sa nobya.

"Anong trabaho ba 'yan?"
"Secretary ng CEO."

Matagal pinag isipan ni Cameron ang inaalok na trabaho ni Mikaela sakaniya hanggang sa dumating ang araw na nasa labas na siya ng HR for interview. Halos lahat ng kasabay niya ay naka make up at palda. Siya lang ang naka polo at slacks. Naputol lamang ang pag iisip niya ng may dumaan sa harapan nilang isang lalaki.

"You."

Nag tama ang paningin nila ng lalaki kaya naman itinuro niya pa ang sarili kung siya ang tinutukoy ba nito.

"Yes, you. You're hired. The rest may go home."

Nilapitan din siya nito at nakipag kamay.

"I'm Gloryvale Castillo. You must be Cameron Liaco."
"Ako nga po."
"So when can you start?"
"Anytime po."
"Great. I need you in my office now."

Tinalikuran siya ni Gloryvale at nagsimulang maglakad. Naguguluhan pa man siya sa nangyayari ay sumunod nalamang siya sa bago niyang boss.